Potok si skače čez lug,
Makar je put mu još dug,
Zna on, da sunca bu vani.
Kos si na leski sedi,
V zlato po polju gledi,
Vesel popeva na grani.
Suncu se vse veseli,
Zakaj se ne bi i mi?!
Če je i oblaka hlad
Zavil vu kmicu nas sad,
Sunce bu svetilo taki.
Če je i žalost do nas
Došla, – i prejde za čas,
Skoro bu smejal se vsaki.
Dosta je sunca za vse,
Bu još veselja, kaj ne?!
Zbirka: Kipci i popevke
Objavljeno: 1917.